“Turizmi në Durrës zgjat deri në tetor, bilanci 20% më i lartë se një vit më parë”
Sezoni turistik në Durrës 2025 ka sjellë një panoramë pozitive, duke shënuar rritje deri në 20% të bilancit krahasuar me vitin e kaluar. Edhe pse me disa kontraste, qyteti bregdetar mbetet destinacioni kryesor i pushimeve në Shqipëri, duke tërhequr turistë të rinj nga tregjet ndërkombëtare.
Rënie e vizitorëve nga diaspora dhe Kosova
Krahasuar me vitet e kaluara, numri i pushuesve nga diaspora dhe Kosova ka rënë me rreth 20%. Kjo ka krijuar boshllëqe në treg, por që janë kompensuar nga fluksi i lartë i turistëve të huaj në Durrës.
Rritja e turistëve nga tregjet e reja europiane
Krahasuar me vitet e kaluara, numri i pushuesve nga diaspora dhe Kosova ka rënë me rreth 20%. Kjo ka krijuar boshllëqe në treg, por që janë kompensuar nga fluksi i lartë i turistëve të huaj në Durrës.
Zgjatja e sezonit turistik
Sipas përfaqësuesit të sektorit turistik në Durrës, Blerim Norja, zgjatja e sezonit ka qenë faktori kryesor i këtij viti.
“Rezervimet e fundit janë deri në fund të tetorit, kryesisht nga turistët nordikë që preferojnë pushimet e vjeshtës. Sezoni nisi një muaj më herët, në prill me turistët austriakë, dhe po mbyllet në tetor”, – shprehet ai.
Kjo risi ka ndikuar drejtpërdrejt në rritjen e të ardhurave nga turizmi, pasi struktura hoteliere kanë pasur një kalendar më të gjatë pune dhe më shumë vizitorë.
Bilanci dhe perspektiva e turizmit në Durrës
Falë zgjatjes së sezonit dhe shtimit të tregjeve të reja, bilanci turistik në Durrës është 10–20% më i lartë se viti i kaluar. Ky zhvillim tregon se qyteti nuk kufizohet më vetëm te sezoni veror, por po shndërrohet në një destinacion të qëndrueshëm turistik, i vizituar edhe në pranverë dhe vjeshtë./EuronewsAlbania
